Karta de Milleirolus

In nomine Patris et Filii et Spiritus sancti. Quoniam in hac uita quasi hospites sumus et nemini nostrum ultimam sui exitus oram scire est datum, iccirco ego Petrus Pelaiz fatio kartam testamenti de hereditate mea quam habeo in Milleirolus, canonice Sancti Saluatoris Ecclesiole, de illa tota que fuit patris mei Pelagii Iheremie et de matre mea Argio Cidiz, ex parte auorum et gaantia, suis locis et terminis determinatam ubicumque potuerit inueniri, pro remedio anime mee et meorum parentum. Quod si ego aut aliquis meorum parentum uel de extraneis seu filiis hoc meum factum ⁽¹⁾ in aliquo corrumpere uoluerit, et ipsam hereditatem duplatam et quantum fuerit melioratam pro sola sua presumptione componat; sitque maledictus et excommunicatus et cum Iuda dampnato torqueatur. Facta carta testamenti mense aprilis, era M. C. LXX. VIIII. Ego Petrus Pelaiz illam propria manu coram testibus bonis roboro et confirmo. Qui presentes fuerunt: Menendus, ts; Didacus, ts; Petrus, ts. Tructesindus notuit.