Karta de Insula

In Dei nomine. Ego Ueremudus Guediriz et Gunsaluus Guidiriz facimus kartam uenditionis uobis, canonicis ecclesie Sancti Saluatoris Eclesiole [fol. 80r], de tota illa hereditate quam habemus de parte Didaci Gudiniz in Insula, de quarta terciam, que est subtus monte Castro Recarei, discurrente riuulo Ualega, territorio portugalensi, ciuitas Sancte Marie. Damus et concedimus ⁽¹⁾ uobis ipsam hereditatem prenotatam ubicumque illam potueritis inuenire per suos locos et terminos antiquos et nouos, pro qua accepimus a uobis in precio LX modios: tantum nobis placuit recipere et uobis nobis dare. Habeatis illam uos ab hac die et tempore ita ut de meo sit abrasa iure et dominio et in uestro firmiter tradita et confirmata et successorum uestrorum, et fatiatis de illa quicquid uolueritis in perpetuum. Si uero aliquis homo uenit, uel uenerimus, tam nos quam heredibus uel extraneis qui hanc kartam infringere uelit, in primis sit excomunicatus et a corpore et sanguine Domini nostri Ihesu Christi separatus et maledictus et in profundum inferni demersus et cum Iuda traditore habeat partem in eterna dampnatione; et insuper pariat ipsam hereditatem duplatam uel quantum fuerit melioratam, et iudicatum. Facta carta uenditionis noto die et tempore XII kalendarum februarii, era M.C.LXXX^a.III^a. Nos prenominati Ueremudus et Gunsaluus, qui illam iussimus scribere, coram idoneis testibus manibus nostris roboramus. Petrus, ts; Pelagius, ts; Iohannes. Suarius, presbiter, notuit.