Karta de Milleirolus

In Christi nomine. Hec est carta uenditionis et firmitudinis quam ego Gotierre Pelaiz et uxor mea Godina Fernandiz et filius noster Gundisaluus Gotierriz facimus uobis, canonicis Saluatoris Eclesiole, de hereditate quam habemus in uilla Milleirous subtus monte Cudal, discurrente riuulo Ul, territorio portugalensi. Damus uobis in predicta uilla de hereditate quam ibi habemus ex parte auorum et parentum nostrorum medietatem integram, ubicumque inueniri potuerit suis locis ac terminis terminatam antiquis et nouis, cum omnibus prestimoniis suis, pro qua accepimus de uobis in pretio, CC et X modios; tantum uobis placuit et nichil aput uos pro dare remansit. Sit uestra ab hac die et tempore et fatiatis ex illa quodcumque uolueritis in sempiternum. Quod si nos aut filii nostri aut aliquis ex propinquis seu extraneis contra hanc cartam irumpendam uenire presumpserit, quod auferre temptauit duplatum componat, et terre dominatori aliud ⁽¹⁾ tantum. Facta carta mense februario, era M.C.LXXX.III. Ego Guttierre Pelaiz illam, et uxor mea Gudina Fernandiz et filius noster Gunsaluus, illam propriis manibus coram idoneis testibus r+oboramus. Qui presentes fuerunt: Petrus, ts; Pelagius, ts; Didacus, ts. Gudinus notuit.