Karta de Dentazes

In Christi nomine. Hec est carta contramutationis necnon firmitudinis quam ego Godinus Dauizi cum uxore mea Eldonza Venegas facimus uobis, canonicis Sancti Saluatoris Eclesiole, de hereditate quam habemus in uilla Dentazes, subtus monte Cudal, discurrente riuulo Ul, territorio portugalensi. Damus uobis, de tota ipsa uilla, quartam et mediam de quarta, suis antiquis terminis terminatam ubicumque illam potueritis inuenire; et de agro qui incipit in illo termino de Dentazes et fer in terminos de Mazaneira et Millerolos et fer in mamua terrenia et habet uiginti passales in amplum. Damus uobis similiter quartam et mediam de quarta, pro alia hereditate quam nobis dedistis in uilla Caldelas, et hec mutatio placuit nobis et uobis. Habeatis illam firmiter et fatiatis de illa quod uolueritis in perpetuum; et uenit nobis de Maior Pelaiz de gaantia, que habebat illam ex auis et parentibus suis, cum omnibus prestationibus suis, cum quantum in se obtinet. Quod si nos aut aliquis ex nostris filiis aut propinquis uel extraneis hanc scripturam condempnare uel infringere uoluerit, quisquis fuerit, si nos illam defendere et parti uestre concedere noluerimus aut non potuerimus, uel uos in uoce nostra, componat in duplum quantum auferre presumpserit, et suum melioratum et domino terre aliud tantum. Facta karta mense februario, era M.C.LXXX. Ego iam dictus Godinus et uxor mea Eldora coram idoneis testibus confirmando roboramus [fol. 84] nostris propriis manibus. Qui presentes fuerunt: Iohannes, ts; Suarius, ts; Menendus, ts. Petrus notuit.