De casal Ducio

In Christi nomine. Hec est carta uenditionis et firmitudinis quam Suarius Fernandiz et uxor mea Maria Pelaiz facimus uobis, canonicis Sancti Saluatoris Eclesiole, de hereditate quam habemus in Casal de Ducio, subtus monte Cudal, discurrente riuulo Ul, territorio portugalensi. Damus uobis in ipsa uilla totum quod ibi habemus ab integro cum quantum in se obtinet et ad prestitum hominis est, ubicumque illam potueritis inuenire suis locis et terminis antiquis terminatam, pro pretio quod nobis dedistis, uidelicet unum puldrum pretiatum in X^L modios et unum mantum in V bracales; et uenit nobis de Menendo Menendiz de gaantia. Habeatis illam uos firmiter et fatiatis de illa quod uolueritis in perpetuum. Quod si forte nos aut filii nostri uel extranei hanc kartam infringere aut condempnare uoluerit, quantum auferre temptauerit totum in duplum componat uobis; et si nos illam defendere et uobis concedere non potuerimus aut noluerimus, aut uos in uoce nostra, similiter fatiamus et duplum et melioratum et iudicatum componamus [fol. 84vº]. Facta karta mense iulio, era M.C.LXXX^a.VI^a. Ego Suerius Fernandiz et uxor mea Maria Pelaiz illam coram idoneis testibus confirmamus et propriis manibus r+oboramus. Qui presentes fuerunt: Iohannes, ts; Didacus, ts; Petrus, ts. Godinus notuit.