De Dentazes

In Christi nomine. Hec est carta uenditionis et firmitudinis quam ego Maior Pelaiz fatio Godino Dauiz et sue mulieri Eldoncie Uenegas de hereditate quam habeo in uilla Dentazes subtus monte Cudal, discurrente riuulo Ul, territorio portugalensi. Do uobis de tota ipsa dicta iam uilla de ⁽¹⁾ tres partes medietatem integram, suis terminis antiquis terminatam et nouis, cum quantum in se obtinet et ad prestitum hominis est, ubicumque illam potueritis inuenire, pro qua accepi a uobis in precio CL modios; tantum mihi placuit, et aput uos pro dare nichil remansit. Habeatis illam uos firmiter et omnis posteritas uestra ita ut ab hac die et termino sit de mea potestate abrasa et in dominio uestro tradita et confirmata tempore perpetuo. Si autem ego aut aliquis ex meis filiis uel propinquis seu extraneis hanc kartam irrumpere uoluerit, quantum auferre temptauerit in duplum [fol. 85] componat et suum melioratum. Quod si ego in concilio illam defendere et uobis concedere noluero aut non potuero, aut uos in uoce mea, similiter duplatam uobis reddam illam ⁽²⁾ cum suo melioratu, et seniori terre aliud tantum. Facta carta era M.C.LXX.VIIII. Ego Maior illam coram idoneis testibus roboro et confirmo, in termino mense decembrio. Qui presentes fuerunt: Didacus, ts; Arias, ts; Pelagius, ts. Gudinus presbiter, notuit.