De Casal de Docio

In Dei nomine. Ego Gunsaluus Menendiz et uxor mea Guntina Gutierriz facimus cartam uenditionis et firmitudinis uobis Gutierre Pelaiz et mulieri uestre Gudine Fernandiz, de hereditate nostra propria quam habemus in uilla dicta Casal de Ducio, de nostra gaantia, subtus monte Parata Iouaze, discurrente riuulo Ul, territorio portugalensi. Damus in iam dicta uilla quantulumcumque ibi habemus ab integro cum quantum in se optinet et ad prestitum hominis est, ubicumque illam potueritis inuenire suis locis et terminis terminatam antiquis et nouis. Et diuiditur ab oriente cum Milleirolus et aquilone cum Gaiati et ab occidente cum Parada Iouaz et a meridie cum termino Sancti Johannis et inde per illos Veneirus et inde per Ul. Et accepimus a uobis pro illa in pretio CC et XXⁱ modios; tantum nobis placuit, et de pretio nichil aput uos pro dare remansit. Habeatis illam uos et omnis posteritas uestra ab hac die in perpetuum, ita ut de dominio nostro hodie abstracta uestro sit tradita et confirmata tempore perpetuo. Quod si ego Gundisaluus aut mea mulier aut aliquis filiorum nostrorum uel extraneorum seu propinquorum contra hanc cartam insurgere et infringere illam uoluerit, et nos in concilio defendere et illam uobis concedere non potuerimus aut noluerimus, aut uos in uoce nostra, componamus illam uobis duplatam et quantum fuerit melioratam, et iudicatum. Facta karta IIII° nouas ianuarii, era M.C.LXIII. Ego Gundisaluus Meendiz et mea mulier Godina illam propriis manibus roboramus. Qui uiderunt: Pelagius, ts; Menendus, ts; Petrus, ts. Didacus presbiter notuit.
Explicit de Dentazes.