Karta de Sanguinal

In nomine Christi. Hec est karta uendicionis quam ego Maria Eriz facio uobis, canonicis Eclesiole, de hereditatibus quas habeo in istis uillis, uidelicet in Primi et Muza et Pedrezelo et Sanguinal. Concedo in uillis dictis quod ibi habeo ex parentibus meis cum quantum in se obtinet et ad prestitum hominis est, ubicumque ipsas meas hereditates ibi inuenire potueritis ⁽¹⁾ terminatas suis antiquis et nouis terminis, pro quibus accepi a uobis pretium, unum bragal. Tantum mihi placuit, et aput uos nichil pro dare remansit. Habeatis uos ab hac die de mea potestate abrasas et in uestra sine fine confirmatas et quod ex illis uolueritis fatis. Quod si aliquis homo uenerit uel uenerimus ego aut aliquis meus propinquis uel extraneus qui hoc meum scriptum infringere presumpmat et ego in concilio illud defendere et uobis concedere aut noluero aut non potuero, aut uos in uoce mea, totum duplatum et melioratum et iudicatum componat ⁽²⁾ uobis, quicumque fuerit, quantum temptauerit et domino terre aliud tantum. Facta carta mense marcio, era M.C.LX^LVI ⁽³⁾. Ego Maria Eriz illam coram idoneis testibus roboro propria manu et confirmo. Hii sunt testes: Petrus, ts; Pelagius, ts; Iohannes, ts. Andreas notuit.