Karta de Tructesindo Godiniz

In Christi nomine. Hec est karta uendicionis quam ego Tructesindus Godiniz et sorores mee, Gontina et Eui, facimus uobis, canonicis Sancti Saluatoris Ecclesiole, de hereditate quam habemus de auis et parentibus nostris, que infra hos terminos iacet: ad horientem, strata maurisca; ad occidentem, Moazellus et Sagittella; ad aquilonem, Luuianes et Clauiano; ad affricum, Laurusela. Damus et concedimus quantum infra istos terminos habemus et habere debemus cum quantulumcumque in se obtinet et ad prestitum hominis est, in omni parte qua inuenire illam potueritis suis terminata locis et terminis antiquis et nouis, pro qua accepimus de uobis precium III morauidiadas de ganado, quod nobis multum placuit; et uobis et pro dare nichil remansit aput uos. Iacet uero, ut iam diximus, illis terminis inclusa, subtus monte Auturelo, discurrente Riu Maior, prope castellum Sancte Marie, territorio portugalensi [fol. 87]. Habeatis uos iam dictam hereditatem et facite de illa quodcumque uolueritis im perpetuum. De cetero, si nos aut ⁽¹⁾ propinqui nostri uel aliquis extraneus hanc kartam infringere temptauerit, et nos illam in concilio defendere et uobis concedere non noluerimus aut non potuerimus, uel uos in uoce nostra, cum omni melioratu duplatam uobis illam componamus, et domino terre aliud tantum. Facta carta mense sebtembrio, era M.C.LX^LIII. Ego Tructesindo et sorores mee iam dicte illam propriis manibus confirmamus et roboramus. Et hi sunt testes: Petrus, ts; Suarius, ts; Martinus, ts; Didacus, ts. Gudinus notuit.