Karta de Monazelus

In Christi nomine. Hec est karta uendicionis et firmitudinis quam ego Didacus Gundisaluiz et uxor mea Marina Menendiz facimus uobis Petro Nuniz et uxori tue Tude Randufiz, et canonicis Sancti Saluatoris Ecclesiole, de hereditate nostra propria quam habemus in uilla dicta Moazelus, subtus monte Auturelo, discurrente riuulo Torno, prope littus maris, territorio portugalensi, sub castello Sancte Marie. Damus uobis in iam dicta uilla de tota illa quam aui nostri ibi habuerunt, scilicet Tellus Cidiz et eius mulier, Dordia, de tercia tres partes, pro qua accepimus de uobis in precio XXX VIIII morabitinos. Tantum nobis placuit, et aput uos nichil remansit pro dare. Habeatis uos illam firmiter et omnes successores uestri cum quantum in se obtinet et ad prestitum hominis est, ubicumque illam potueritis inuenire suis antiquis terminis terminatam, et facite de illa quod uobis placitum fuerit in perpetuum. Quod si aliquis homo uenerit, uel uenerimus, contra hanc kartam infringendam uel contradicere presumpmat, siue ex nostro genere seu ex alieno, et nos in concilio defendere illam et uestre parti concedere noluerimus aut non potuerimus, aut uos in uoce nostra, quantum auferre temptauerit in duplum uobis componat, uel nos, et quantum a uobis fuerit melioratam, et domino terre aliud tantum. Facta carta mense decembrio, era M^a.C^a.LXXXX^aVI^a. Ego Didacus et uxor mea Manrina illam coram bonis testimoniis confirmamus et propriis manibus roboramus. Qui presentes fuerunt: Gudinus, ts; Iohannes ⁽¹⁾, ts; Gundisaluus, ts. Martinus notuit.
Explicit de Moazelus.