Incipit de Vimaranes

In Christi nomine. Hec est carta uenditionis et firmitudinis quam ego Toda Diaz et filius [fol. 87v] meus, Menendus Gundesindiz, et gener meus Petrus Menendiz facimus uobis, canonicis Sancti Saluatoris Ecclesiole, de hereditate nostra propria quam habemus in uilla dicta Uimarenes, subtus Castru Petrosu, discurrente riuulo Cercedo, territorio portugalensi ⁽¹⁾. Damus uobis sextam partem integram de illa que fuit de mea matre Adosinda Goesteiz, illa porcio que pertinet meo germano, Pelagio monaco, et fideiiussor Dordia Pelaiz, pro qua accepimus a uobis precium decem modios; tantum nobis satis placuit, et pro dare nichil remansit. Habeatis illam uos firmiter ubicumque potuerit inueniri cum quantum in se obtinet et ad prestitum hominis est, suis locis et terminis ⁽²⁾ diuisam, et de illa facite quod uolueritis ab hac die in seculo seculorum. Si uero ego uel predictus iermanus meus uel alius ex propinquis meis seu extraneis aduersus hanc cartam uenerit et infringere presumpserit et ego in concilio illam non deliberauero, uel ipsa Dordia que est fideiiussor, componamus illam cum quantum fuerit meliorata uobis in duplum, et iudicatum. Facta carta mense augusti, era M.C.LX^L.V. Ego Toda Diaz cum supradictis ⁽³⁾ filii meis illam manibus nostris roboramus. Et hii sunt qui uiderunt: Iohannes, ts; Suarius, ts; Didacus, ts. Augustinus notuit.