Testamentum Tode Suariz

[f. 15r] In nomine Genitoris, Geniti et Spiritus sancti ab utrisque procedentis, qui est trinus in unitate et unus in deitate, a quo universa sunt creata, cui famulantur universa tam celestia quam terestia, ad cuius imperium obediunt mari, a quo ante mundi constitutionem cuncta disposuit, qui hominem ex (a) limo terre plasmavit et in finem seculorum servi formam assumpsit et cum mortuis deputatus in gloria resurrexit, qui sanctos suos apostolos aevangelium predicare in universum mundum et fidem catholicam misit, qui in eum credentes nunquam dereliquit, in quem ego, famula Dei, Toda Suariz credens et omnis spes mea in ipso subsistens, ipsi omnipotenti Deo et omnium rerum creatori adherere toto animi affectu desiderans, fatio kartam testamenti ecclesie Sancti Salvatoris de Ecclesiolei (b) qui est fundatus in ipsa prefata villa de Ecclesiola, subtus monte Sagittella, discurrente rivulo Liuvanes, propre littore maris. Dono et testo mediam de mea hereditate ad prefatum locum Sancti Salvatoris, pro tollerantia fratrum, canonicorum vel monacorum ibi habitantium et in vita sancta persev[er]averint. Habeant et possideant illas post mortem meam, pro remedio anime mee parentumque meorum. | [f. 15v] Et si aliquis homo venerit aut nos aut filii nostri aut nepotes tam ex nostra quam ex aliena videlicet progenie qui hoc nostrum factum infringere, disturbare vel in aliquo minuere voluerit, frangat ilium omnipotens Deus cum audatia sua. Et illam aliam medietatem mee hereditatis dono matri mee absque homine alio; mortua matre mea, revertatur hereditas ipsa loco predicto Sancti Salvatoris Ecclesiole. Ipse vero qui hoc disturbaverit, ut sursum resonat, in primis sit excommunicatus et a corpore et sacratissimo Domini separatus et in inferni profundo cum Iuda traditore habeat participationem in eterna dampnatione; et propter dampnum quod intulerit conponat ipsis hominibus Dei Deo ibidem servientibus duo auri talenta et insuper C solidos, et regie potestati aliud tantum et iudicatum. Facta karta seu series testamenti noto die IIII° idus augusti, era M^a. C^a. LV^a. Ego Tuda Suariz, que illud scribere iussi, manu mea r+++oboravi (S). Pro testes: Menendus, ts; Froila, ts; Veremudus, ts. Petrus notuit.