De Goncida Karta

In Dei nomine. Ego Odorius Aluariz uobis Suerio Odoriz et uxori uestre Eluire Suariz fatio kartam uendicionis de hereditate mea propria quam habeo in uilla dicta Guncida, subtus monte Castro Recarei, discurrente riuulo Guandila, territorio portugalensi, ciuitas Sancte Marie. Do uobis in iam dicta uilla infra, medietatem integram, et foras, tercia integra, cum quantum in se obtinet et ad prestitum hominis est, ubi illam potueritis inuenire suis locis et terminis terminatam antiquis et nouis; et uenit ad me in porcionem de parte auorum et parentum meorum et de gaancia; pro precio quod a uobis accepi, unum caballum in CC et LX modios; tantum mihi bene placuit, et aput uos pro dare nichil reinansit. Habeatis illam firmiter uos et omnis posteritas uestra iuri quieto tempore perpetuo, ita quod ab hac die sit de iure et dominio meo abrasa et in uestro bene confirmata, et fatiatis de illa quod uolueritis in perpetuo. Et si aliquis homo de meo genere uel de alieno ⁽¹⁾ contra hanc kartam uenerit et ego in concilio illam defendere et uobis concedere non potuero, aut uos in uoce mea, componam illa hereditatem uobis duplata cum suo melioratu et [fol. 105v°] iudicatum. Facta karta XV kalendas maii, era M.C.LX.VIIII. Ego Odorius Aluariz illam manu mea roboro. Et hii sunt testes: Godinus, ts; Pelagius, ts; Didacus, ts. Petrus notuit.