Karta de Curueirus

In Dei nomine. Ego Tructesindus uobis Suerio Fromariguiz et uxori uestre Eluire Nuniz ⁽¹⁾ fatio kartam uendicionis de hereditate mea propria quam habeo de mea gaancia in uilla Curueirus, subtus monte Kastro Petroso, discurrente riuulo Cerzedo, territorio portugalensi. Do uobis de ipsa hereditate quam ganaui cum meis iermanis terciam integram cum quantum in se obtinet et ad prestitum hominis est [fol. 110], ubi illam potueritis inuenire suis terminis et locis terminatam antiquis et nouis, pro qua accepi a uobis in precio XXX^a modios; tantum mihi beneplacuit et aput uos pro dare nichil remansit. Habeatis igitur uos illam firmiter et omnis posteritas uestra ita ut ab hac die de iure et dominio meo sit abrasa et in uestro perhenniter confirmata. Et si aliquis homo siue de meis propinquis seu de extraneis hanc kartam infringere uoluerit et ego in concilio illam defendere et uobis concedere non potuero, aut uos in uoce mea, cum quanto in se fuerit meliorata uobis illam in duplo componam et iudicatum. Facta karta XV kalendas agustas, era M.C.XX^a.II^a. Ego Tructesindus illam manu mea roboro. Pro testibus: Veremudus, ts; Gundisaluus, ts; Pelagius, ts. Petrus notuit.