Karta de Gueteandi

Hec est karta uendicionis quam feci ego Flamulaiz ⁽¹⁾, cum uiro meo Velasco Diaz, uobis Sancti Saluatoris Ecclesiole, de hereditate mea propria quam habeo in uilla Gueteandi, subtus monte Quoto, discurrente riuulo Camia, territorio portugalensi, in terra de Sancta Maria de ciuitate. Damus uobis in iam dicta uilla terciam integram de illa que fuit patris mei, Pelai Torquidiz, ubi illam potueritis inuenire cum quantum in se obtinet et ad prestitum hominis est suis locis et terminis terminatam antiquis et nouis, pro precio quod nobis dedistis, XXⁱ modios; tantum nobis placuit et aput uos ⁽²⁾ pro dare nichil remansit. Et si aliquis homo tam de nostris propinquis quam de extraneis hanc kartam infringere uoluerit et nos in concilio illam defendere et uobis concedere non potuerimus, aut uos in uoce nostra, cum quanto fuerit meliorata illam in duplo uobis componamus ⁽³⁾ et kartula uim suam retineat. Facta karta VI idus iulii, era M.C.LXX.III. Ego Flamula cum uiro meo Velasco illam manibus nostris roboramus. Pro testibus: Suerius, ts; Pelagius, ts; Menendus, ts. Petrus notuit.