Karta de Petrosino, Mueiro fecit

In Dei nomine. Hec est karta uendicionis quam ego Mueiro uobis Fernando Citaz et uxori tue Unisco Menendiz, in mea uoce et meorum filiorum, fatio kartam uendicionis de hereditate mea propria quam habeo in uilla Petrosino de parte auorum et parentum meorum et de gaancia, subtus monte Castro Petroso, discurrente riuulo Pausadela, prope littus maris, territorio portugalensi. Do uobis in uilla iam dicta totam meam hereditatem et mee mulieris integram, sicut sparte cum Branderiz et cum Pausada et fer in riuulo de Sirgeirus, ubi illam potueritis inuenire cum quantum in se obtinet et ad prestitum hominis est suis locis et terminis terminatam antiquis et nouis. Et accepi a uobis in precium pro illa unam equam [fol. 111] pretiatam in XXX^a et V modios, et V solidos argenti; tantum bene placuit et de precio aput uos pro dare nichil remansit. Habeatis illam uos firmiter et omnis posteritas uestra ita ut ab hac die sit de iure et dominio meo abrasa et in uestro tradita et confirmata, iuri quieto temporibus seculorum. Et si aliquis homo tam de propinquis quam extraneis hanc kartam infringere uoluerit et ego in iudicio illam defendere et uobis concedere non potuero, aut uos in uoce mea, conponam illam uobis cum quanto fuerit meliorata. Facta karta uendicionis VII kalendas aprilis, era M.C.XXX.VI. Ego Mueiro Aluitiz et mea mulier et pro meis filiis, ut prenotatum est, illam manu mea roboro. Qui presentes fuerunt: Erus, ts; Pelagius, ts; Gundisaluus, ts; Gutierre, ts. Sesnandus notuit.