Karta de Petrosino, Erus Diaz fecit

In Dei nomine. Ego Erus Diaz facio kartam seu testamentum eclesie Sancti Saluatoris de Petrosino, subtus monte Castro, discurrentibus arrugiis qui per ipsam uillam descendunt, territorio portugalensi. Do et testo loco predicto hereditatem quam habui a comite, medietatem de illa, et meo magistro Tructesindo, presbitero, aliam medietatem in omni uita sua; illo uero mortuo, uertatur in testamentum cum ipsa altera. Et nec ipse dompnus Tructesindus nec ceteri qui post ipsum illam receperint habeant potestatem donandi aut uendendi aut testandi ad ullum seculare locum aut secularem hominem, sed semper consistat, ut predixi, ad tollerantiam bene uiuentium. Et post meum obitum semper in potestate domni Tructesindi permaneat uita illius comite pro remedio anime mee. Et si aliquis homo tam de mea quam de aliena progenie uenerit aduerses hoc meum testamentum ad corrumpendum uel inde aliquid auferre ausus fuerit, auferat Deus illius nomen de libro uiuentium et non inter iustos in eternum sed cum Iuda uiuat traditore in infernum, et sit maledictus et excommunicatus et a sacratissimo ⁽¹⁾ Domini nostri Ihesu Christi corpore et sanguine segregatus; et regie potestati duo auri talenta coactus reddat et insuper CCC solidos illi qui dampnum sustinuerit persoluat et iudicatum. Facta series testamenti VII kalendas agustas [fol. 111vº], era M.C.LX^L.VIIII. Ego Erus Didaci, dictus Dominicus, hanc seriem manu mea et proprio ore confirmo et libenter roboro. Qui presentes fuerunt: Didacus, ts; Cresconius, ts; Pelagius, ts; Tructesindus Menendiz qui uidit. Tructesindus, presbiter, uidit et notuit.