Nos Tharasia Martini et Eluira Martini

In Dei nomine. Nos, Tharasia Martini et Eluira Martini, filie domini Martini Pelagii de Berredo, damus et concedimus bona uolumptate ⁽¹⁾ hereditatem que est in parrochia ecclesie de Ulueira in ripa Dorii, iusta castellum de Gaia, uidelicet duo casalia que pater noster mandauit et dedit monasterio Ecclesiole pro anima sua. Et mandamus quod supradictum monasterium habeat et possideat supradicta casalia in secula seculorum. Et ut factum nostrum maioris roboris uim obtineat, presentem kartam sigillis nostris propriis ⁽²⁾ sigillamus, mandantes quod quicumque uenerit contra factum nostrum et donacionem pectet memorato monasterio quingentos aureos, et domino terre aliud tantum. Facta carta mense iunii, sub era M^a.CCC^a II^a