De Tructesindo Meendiz

In nomine Patris et Filii et Spiritus Sancti, amen. Quoniam in hac uita miseri et quasi hospites sumus et nemini nostrum scire est datum ultimam sui exitus horam, iccirco ego, Tructesindus Menendi, timens ne morte preocupatus ab hac uita intestatus discedam, iubeo facere kartam testamenti ecclesie Sancti Saluatoris de Eclesiola, de hereditate mea propria quam habeo in uilla Buruntanes et in Sancto Felice, subter illam stratam mauriscam, discurrente riuulo Cerzedo, territorio portugalensi. Do et concedo et testo de supradicta uilla sexta integra et de Sancto Felice media VIIIa media; do presens medietatem et post obitum meum aliam partem mediam, pro remedio anime mee, ubicumque eam potuerint inuenire. Si forte ego uel¹ ex filiis meis aut propinquis seu extraneis aduersus hanc scripturam ad inrumpendum conatus fuerit, quantum auferre temptauerit cum quantum fuerit melioratum in duplum componat, et domino patrie aliud tantum; et quicumque fuerit, sit maledictus et excommunicatus et a corpore [f. 18v] et sacratissimo sanguine Domini nostri Ihesu Christi separatus et cum Iuda traditore penis perpetuis traditus. Facta karta testamenti mense iunio, era M.C.LXXXVI. Ego Tructesindus Menendiz, qui illam scribere iussi, cum idoneis testibus propriis manibus roboro. Qui presentes fuerunt: Iohannes, ts; Didacus, ts; Pelagius, ts. Petrus notuit.