Karta de Nogeira

In Christi nomine. Hec est karta conuentionis et firmitudinis quam ego Fernandus Pelaiz fatio uobis canonicis Ecclesiole, de hereditate mea propria quam habeo in uestro cautu de tota portione; et habet iacentiam in ipsa uilla uidelicet Nogeira in illo Auteiro, subtus monte Auturelo, discurrente riuulo Rugitorio, prope littore maris. Do uobis eam ab integro atque concedo in primis pro filio meo, Petrus nomine, quem in uestra sotietate suscepistis ut ei indumenta corporis prebeatis, et pro VIII° morabitinos quos a uobis accepi seu pro remedio anime mee. Habeatis uos illam firmiter et omnes successores uestri cum quantum in se obtinet et homini proficit, suis antiquis determinatam terminis, et fatiatis de ea quicquid uobis placuerit in perpetuum. Et si deinceps aliquis homo uenerit uel uenero tam ego quam de propinquis meis uel extraneis qui kartam irrumpere uoluerit, in primis sit excommunicatus et in profundo inferni cum Juda traditore sit dimersus, et quantum auferre temptauerit in quadruplum conponat et iudicatum. Facta karta mense ⁽¹⁾ marcio, era Mª. Cª. LXª. VIIIIª. Ego Fernandus Pelaiz qui illam scribere iussi, coram idoneis testibus roboro et confirmo. Pro testibus: Pelagius, ts; Didacus, ts; Gunsaluus, ts. Martinus notuit.