Karta de Saitela Mendo Mendiz

In nomine Patris et Filii et Spiritus sancti, amen. Quoniam in hac uita quasi hospites sumus et nemini nostrum ultimam sui exitus horam scire est datum, iccirco ego, famulus Dei, Menendus Menendiz, et uxor mea Eieuua Pelaiz, timentes ne morte preocupati ab hac uita intestati recedamus, iubemus nostras facultates disponere, gratia auxiliante diuina. Audiuimus enim Dominum nostrum per prophetam dicentem: «ue uobis qui copulatis domum ad domum et agrum agro coniungitis; numquid uos soli habitabitis in terra?»; et beatus Augustinus ait: «diues cum dormierit nichil secum aufert; aperit occulos et nichil inueniet». Hec et alia huiuscemodi documenta sepissime audientes, iussimus facere kartam testamenti canonice Sancti Saluatoris de Eclesiola, de omni nostra hereditate uidelicet qua habemus in uilla [f. 20r] Saitela et in ipso Casale; et in Oleiros, duo casalia; et in Sesnandi tam laicalia quam eclesiastica, quan-tam ibi habemus uel habere poterimus siue auiorum nostrorum siue de ganantia uel de emticia usque in diem nostri obitus et omnes facultates quas nunc habemus ual habere deinceps poterimus usque ad nostrum finem. Donamus itaque hec prescripta ⁽¹⁾ post obitum nostrum supradicte ecclesie et canonicis ibidem commorantibus, omnia iam suprascripta tam mobilia quam fixa id est inmobilia suis antiquis terminis determinata ⁽²⁾ et cum omnibus suis prestationibus. Quod si forte ego aut aliquis ex nostris parentibus aut filiis uel extraneis hoc factum meum in aliquo corrumpere uoluerit, pro sola temeritate componat in duplo quantum auferre temptauerit et melioratum in duplum restituat similiter prefate eclesie Sancti Saluatoris Ecclesiole et canonicis eiusdem loci; et insuper sit maledictus et excomunicatus et cum Iuda traditore in inferni profundo demersus. Facta karta mense aprilis, era Mª.Cª.LXXª.IIIª. Ego prefatus Menendus Menendi et uxor mea Eieua Pelaiz, qui ilium iussimus scribere, coram parentibus et aliis idoneis testibus, prout prescripta sunt, roboramus et confirmamus. Qui presentes fuerunt: Menendus, ts; Dauid, presbiter, ts; Petrus, presbiter; Gunsaluus, ts; Suarius, ts; Pelagius, ts; Tructesindus, ts; Didacus, ts. Iohannes notuit.

Karta de canonicis
Quantumquam pie oblationis in futuro seculo digna sit a Domino retributio preparata, presentis tamen ecclesie adiutores si ab ea adiuuentur non uidetur indignum. Sicut enim beatus Gregorius ait: «uni nostro operi due mercedes debentur: una in hoc seculo, alia in futuro». Unde ego Petrus, Ecclesiole prepositus, cum ceteris canonicis fratribus eiusdem loci, facimus tibi Menendo Menendiz et uxori tue Eieuue Pelaiz hanc scripturam firmitatis super testamento hereditatis uestre ut neque uendamus neque commutemus neque donemus cuiquam hominum, maiori tamen monasterii utilitate seruata. Insuper et filius tuus Suerius, quandiu se bene continuerit et humilis esse uoluerit, semper habeat panem in hoc monasterio. Hanc ergo (1) firmitatis scripturam nos, Ecclesiole canonici, robor + + + + + amus. Petrus, prepositus, conf. Tructesindus, prior, conf. Didacus, sacrista, conf. Petrus, precentor, conf. Menendus, claustralis prior, notuit et conf.