Testamentum Fernandi Pelaiz

In nomine Patris et Filii et Spiritus sancti, amen. Ego Fernandus Pelaiz, timens ne morte preocupatus ab hac detestabili et transitoria uita intestatus recedam, fatio testamentum mee hereditatis ecclesie Sancti Saluatoris Ecclesiole de omni illa mea hereditate quam habeo in Ouar et de mea parte illius ecclesie Sancti Christofori de Cabanoes, audiens Dominum nostrum per prophetam dicentem: «diues cum dormierit nichil secum aufert; aperit occulos et nichil inueniet». Quamobrem supradictas meas hereditationes testo et concedo monasterio ipso, deuote et omni integro sensu et perfecta uoluntate. Quod factum meum qui frangere uoluerit, sit anatema ⁽¹⁾ nisi penituerit, et quantum inde auferre temptauerit tantum canonicis Ecclesiole in duplo conponat et aliud tantum domino terre. Facta karta testamenti mense aprilis, era Mª.Cª.LXXXª.Vª. Ego supradictus Fernandus Pelaiz, qui illam mandaui scribere, coram idoneis testibus hoc signum ⁽²⁾ fatiens propriis manibus r+oboro et confirmo. Qui presentes fuerunt: Petrus ⁽³⁾ , ts; Iohannes, ts; Menendus, ts. Suarius notuit.