Testamentum Menendi Segeriz

In nomine Patris et Filii et Spiritus sancti. Ego Menendus Segereiz, timens ne morte preocupatus ab hac uita intestatus discedam, fatio cartam testamenti canonice Sancti Saluatoris Ecclesiole de hereditate quam habui in loco quod appellant Guetesinda, infra cautum predicti monasterii, scilicet tres partes integras illius uille uidelicet Guetesinde; tantum ibi mihi aduenit de parte meorum auorum et parentum meorum. Do et testo iam dictam hereditatem ad ipsum sanctum locum ad sustentationem Dei hominum ibidem degentium. Habent et possideant illam et fatiant de illa quod illis et successoribus illorum placuerit [f. 25v], pro remedio anime mee et genitoris mei, Segerendi. Quod si aliquis homo uenerit, quod minime credo, ex meis filiis uel ex meis propinquis seu extraneis qui hoc meum factum in aliquo corrumpere uoluerit, pro sola temeritate, componat ipsam hereditatem et melioratum illius in duplo; et insuper sit maledictus et excommunicatus et cum Iuda traditore dampnatus. Facta karta XIII° kalendarum augusti, era Mª.Cª.LXXª.IIIª. Ego Menendus Segereiz, qui illam scribere iussi, coram meis parentibus et aliis idoneis testibus roboro et confirmo. Qui presentes fuerunt: Menendus, ts; Didacus, ts; Petrus, ts. Pelagius notuit.