De Guncina Meendiz testamentum

In nomine Patris et Filii et Spiritus sancti, amen. Ego Guncina Menendiz, timens ne morte preocupata ab hac uita intestata recederem, iubeo in mea uita ⁽¹⁾ facere kartam testamenti ecclesie Sancti Saluatoris Ecclesiole, de hereditate mea propria quam habeo in uilla Moar, subtus Castru Petroso, discurrente riuulo Cerzedo, territorio portugalensi. Do et testo in predicta uilla quantum ibi habeo de parte de Benedicto et de sua muliere Spraouea media septima, et de quinta de septima medietatem, pro remedio anime mee et de marito meo Gunsaluo Menendi et de nostris filiis. Quod si forte, quod minime ⁽²⁾ credo, ego uel alia quecumque persona propinqua uel extranea hoc factum meum corrumpere uoluerit, quantum auferre temptauerit ipsis senioribus in duplo conponat et illius hereditatis melioratum, et iudicatum; et sit maledictus et exconmunicatus et cum Iuda traditore dampnatus. Facta karta testamenti mense ianuario, era Mª.C.LXXXª.VIª. Ego prenominata Guncina Menendiz, que illam scribere feci, coram idoneis testibus roboro et confirmo. Pro testibus: Pelagius, ts; Petrus, ts; Gunsaluus, ts. Augustinus notuit.