Testamentum

In nomine Patris et Filii et Spiritus sancti, amen. Ego Bona Pelaiz, timens ne morte preocupata ab hac uita intestata recedam, fatio cartam testamenti canonice Sancti Saluatoris de Ecclesiola. De mea hereditate, quintam scilicet partem de omni illa quam habeo in uilla Palatiolo do et concedo prefate canonice ⁽¹⁾, suis antiquis terminis determinatam, ubicumque potuerit inueniri, tali uidelicet conditione ut medietatem illius quinte partis ex presenti die possideant et de quomodo placuerit proui-deant; cum autem ego obierim, medietatem aliam simili lege contineant; et de meis facultatibus quas habuero ad meam mortem, quintam partem integram ipsis canonicis restitui iubeo. Si forte uero ego [f. 27r] aut aliquis ex meis filiis aut parentibus uel extraneis hoc meum factum in aliquo corrumpere uoluerit, non ei sit licitum sed pro sola temeritate quantum auferre uoluerit cum suo melioratu in duplo costrictus componat; et quicumque fuerit qualisue persona, maledicta et excommunicata sit in eternum et cum iuda traditore in profundum inferni dimersa. Facta karta testamenti quarto calendarum februarii, era Mª.Cª.LXXª.VIª. Ego prefata Bona Pelaiz, qui illam feci scribere, propria manu roboro. Pro testibus: Suerus, ts; Arias, ts; Dauid, ts. Menendus, canonicus, notuit.