Karta de Bolpellares

In nomine Patris et Filii et Spiritus sancti, amen. Ego, famula Dei, Truio Petriz placuit mihi ut facerem testamentum de mea hereditate propria ad Sanctum Saluatorem Ecclesiole, quam habeo in Bolpellares, pro remedio anime mee et parentum meorum, et ipsam quam comparaui de meis fratribus per ubicumque illam potueritis inuenire, suis locis et terminis antiquis terminatam, ita ut ab hac die et ora ipsa hereditas sit de meo iure abrasa et in iure Sancti Saluatoris sit tradita et confirmata. Habeant et possideant illam habitantes in monasterio suprascripto, in uita sancta perseuerantes, iuri quieto temporibus seculorum. Si quis tamen aliquis homo uenerit, quod fieri non credimus, tam de propinquis quam de extraneis qui hoc factum meum infringere uel inrumpere quesierit, in primis sit excommunicatus et a corpore Domini separatus et cum Iuda traditore partem habeat in perdicione; et insuper pariat ipsam hereditatem duplatam. Facto testamento nonas marcii, era Mª.Cª.LXXª.Vª. Ego Truio Petriz illud manibus propriis roboro. Pro testibus: Petrus, ts; Iohannes, ts; Suerus, ts. Petrus notuit.