De Bona Pelaiz plazum

Ego Bona Pelaiz una cum filiis meis Pelagio et Suerio et ego Garsia Odoriz et uxor mea Sancia Pelaiz plazum facimus simul ipsis canonicis Sancti Saluatoris de Ecclesiola nostrorum testamentorum que fecimus ipsi monasterio Ecclesiole, ut nunquam ulla necessitate illa immutemus nec minuemus et de aliis nostris hereditatibus nec donemus nec testemus nec uendamus inde aliquid, nisi ipsis canonicis uel eorum successoribus et iusto fiat precio; et insuper nostra corpora ipso in loco sepeliamus. Quod si unus ex nobis prescriptis aliter facere temptauerit uel hec suprascripta in aliquo corrumperit, prefatis canonicis uel uocem eorum pulsanti, omne damnum quod intulerit dupliciter componat et insuper C solidos, et imperanti terre aliud tantum; et excommunicatus et maledictus et anatematizatus sit, quicumque fuerit, et cum Iuda [f. 36r] traditore perpetuas patiatur penas. Heredes uero ipsius monasterii nobis prodesse iustumque adiutorium, prout tempus exigerit, studeant exibere. Cuncti igitur prefati hoc plazum propriis manibus confirmamus et in perpetuum roboramus. Qui presentes fuerunt: Pelagius, ts; Iohannes, ts; Petrus, ts.