Plazum

Ego Gudinus Guimiriz et uxor mea Eldora Astufiz facimus placitum uobis canonicis Sancti Saluatoris Ecclesiole super testamentum nostrum quod uestro monasterio fecimus, ut nunquam illud corrumpamus nec inde mutemus nec minuemus, quicquam ulla adueniente necessitate; sed nostra adhuc ibi sepelire corpora mandamus. Et ipsi canonici nos contineant in uita nostra et prosint nobis congruenter. Si uero nos aliquid de supradictis corrumpere uoluerimus, qui hoc fecerit siue nos seu alius aliquis, quantum auferre temptauerit dictis iam canonicis in duplum componat, et insuper LXª solidos et iudicatum. Facto placito aprilis mense, era Mª.Cª.LXXXª.Iª. Ego [f. 37v] Gudinus Guimiriz et uxor mea Elduora, qui hoc placitum scribere iussimus, propriis manibus coram idoneis testibus confirmando roboramus. Qui presentes fuerunt: Menendus, ts; Pelagius, ts; Tructesindus, ts. Petrus notuit.