Testamentum quod facit Sesgutus presbiter cum matre sua Sancto Matheo de Brito in uilla in sub castro Barbuto

In Dei nomine. Ego famulus Dei Sesgutus presbiter et mater mea Vestregia concedimus Sancto Matheo apostolo et Sancto Stephano et Sancte Eufemie et Sancto Antonino et Sancto Michaheli arcangelo et Sancto Saluatori quorum basilica fundata est in Brito Inter Mauri et Barbuto et fratribus qui ibi habitauerint [hereditatem] nostram propriam quam habemus in uilla Insula, castro Barbuto territorio Bracarensi, riuulo Cathauo, ubi pater noster habitauit, tam de parentela quam de comparantela et de ganantia ubi illam potueritis inuenire per suos terminos et loquos antiquos cum quantum in se obtinet et ad prestitum hominis est. Et ego Vestregia teneam illa mea in mea uita et ad obitum meum tornet se ad ipsum locum sanctum. Et si aliquis homo uenerit uel uenerimus ad inrumpendum hoc factum nostrum in primis sit excomunicatus et cum Iuda traditore habeat portionem et [in]super pariat in quadruplum quantum infringere uoluerit et hunc factum nostrum plenam habeat firmitatem.
Facta series testamenti die VII Idus Aprilis, Era M.^a C.^a XVI.^a. Sesgutus et Vestregia hoc testamentum manibus nostris roboramus.
Pro testes: Estromiro ts., Nuno ts., Dagaredo ts., Ermegildo ts., Benedictus ts.
Truictinus notuit.