Diuisiones inter ambas Uillas Couas et Alquinitia

[f. 24r] Diuisiones inter ambas Uillas Couas et Alquinitia

In era DCCCC^os LXXIIII^a. Horta fuit contemtio inter homines de Alkinitia et de Uilla Coua. Et sic peruenerunt in presentia domini Exemeni comiti et ordinauit illis ut ducerent ibidem diuisores, sicuti et duxerunt, id sunt: Adaulfus diaconus, Tauron, cognomento Mogaria, Kiram et concilio multorum seu et ipse comes cum eos. Et sic se coniunctaueru[n]t ad arcas qui diuident inter ambas Uillas Couas; et inde per lomba ad arcas duas, inter ambas ipsas Uillas Couas, tornabimus in cubito dextro | [f. 24v] et inuenimus in autario contexta saxinea qui diuidet inter Olibariola et Uilla Coua; et inde per liniolo, per petras fictiles et terra agire, usque inuenimus duas contestas qui diuident inter ambas ipsas uillas; et inde inpronabimus ad ribulo parte per duos liniolos qui diuident inter ambas ipsas uillas, usque coniunctauerunt ipsos liniolos; et dedit cubito in parte sinixtra et perreximus per ipsum liniolum usque ubi inuenimus arca terrenea, inpronante ad illo fontano couo; traycimus illo fontano et inuenimus in monte in ipsa sectura et inuenimus arca terrenia; perreximus in denante et inuenimus duas arcas qui diuident inter Alkinitia et Uilla Coua et Lauredo; tornabimus in prono, in cubito dextro, per termino forte et inuenimus alias duas arcas per liniolum et per petras fictiles usque ad ribulo Mondeco; traycimus ribulo Mondeco et inuenimus contesta qui diuidet inter Uilla Coua et Lauredo.
Et quod preuidimus in ueritate, dedimus ipsas terras prout cuiusque ueritatem uidimus per isto colmello.
Notum die VIII° idus agustas, era quo supra.
(1ª col.) Exemenus Didaz et comes quos uidi et conf. (monogramma).- Adaulfus diaconus quos uidi conf.- Tauron, cognomento Mogaria, quos uidi conf.- Kiram quos uidi conf
(2ª col.) Recesindo testis.- Bittaco Garseani testis.- Sendinu, Dabid, testes.
(3ª col.) Osebio Menendiz testis.- Sunimirus Iubeni testis.- Ermegildus abba conf.
(4ª col.) Senior diaconus testis.- Ermegildus diaconus.- Froila confesor testis.-
Adulfus notuit.