Karta de Vermui

In Dei nomine. Ego Menendus Ramiriz, una cum uxore mea Guntina Menendiz, uobis Nuno Suariz et uxori uestre Eluire Gomez et ipsi monasterio Sancti Saluatoris Ecclesiole, facimus kartam de ipsa hereditate quam habemus in uilla dicta Vermui ¹, et in ipsas marinas quattuor talios iuxta ipsam marinam de Tructesindo Brandiaz, subtus monte Castro Recarei, discurrente riuulo Uuar, territorio portugalensi, sub opido Sancte Marie de ciuitate, prope littus marinum. Damus uobis illam suis locis et uicis antiquis ac nouis terminatam, cum quantum in se obtinet et ad prestitum hominis est, et uenit nobis ex parte auorum et parentum nostrorum et de gaantia, pro pretio quod nobis dedistis, L modios; tantum nobis placuit, et de pretio nil aput uos remansit pro dare. Habeatis uos illam firmiter ita ut ab hac die et tempore sit ipsa hereditas de iure meo abrasa et in uestro iure et dominio tradita et confirmata, et fatiatis de illa quod uolueritis. Quod si aliquis tamen homo contra hanc cartam inrumpendam uenire presumpserit siue ex meis propinquis seu extraneis, qui hanc cartam infringere ausus sit et nos in concilio defendere et illam parti uestre concedere non potuerimus aut noluerimus, aut uos in uoce nostra ^(a), reddamus illam hereditatem duplatam uel quantum fuerit melioratam, et iudicatum. Facta uenditionis carta noto die et tempore quod XVI kalendas februarii, era M.C.LX.IIII^a. Ego Menendus et ego eius uxor manibus nostris illam roboramus. Pro testibus: Gunsaluus, ts; Iohannes, ts; Gudinus, ts. Petrus notuit.