Karta de Mazaneira uel testamentum

In nomine Patris et Filii et Spiritus sancti, amen. Quoniam in hac uita quasi ospites sumus et nemini nostrum ultimum sui exitus oram scire est datum, ideo ego Gudinus Godemiriz et uxor mea Elduara, timentes ne morte preocupati ab ac uita intestati recedamus, gratia auxiliante diuina facultates nostras disponimus. Audiuimus enim Dominum nostrum per prophetam dicentem: «Ve uobis qui copulatis domum ad domum et agrum ad agrum; nunquid uos soli habitatis in terra?» ⁽¹⁾. Et beatus Augustinus: «Diues cum dormierit nichil secum afert; aperiet oculos et nichil inueniet» ⁽²⁾. Hec et alia huiuscemodi documenta sepissime audientes, facimus kartam testamenti Sancti Saluatoris de Ecclesiola [fol. 81v°] de nostra hereditate quam habuimus in Mazaneira subtus mons ubi dicunt Forca de Cidi Cauallo, discurrente ⁽³⁾ riuulo Gaundila, prope castello Sancte Marie, territorio portugalensi. Damus et concedimus in uilla iam supradicta de quanta hereditate ibi abebamus terciam integram, tam de auorum ⁽⁴⁾ quam de ganancia, suis antiquis terminis determinata ubicumque ea potueritis inuenire. Si forte nos uel filiis nostris aud propinquis seu extraneis contra hanc kartam ad inrumpendum conatus fuerit, pro sola temeritate quantum auferre uoluerit in duplum conponat cum quantum fuerit meliorata et, qualiscumque persona fuerit, sit maledicta et excomunicata et a corpus Domini separata et in profundum inferni cum Iuda traditore dimersa. Facta karta testamenti mense aprilis, era M^a.C^a.LXXX^a.I^a. Ego supradictus Godinus et uxor mea Elduara Astrufiz, qui hanc kartam scribere iussimus cum idoneis testibus confirmamus et propriis manibus robor+++amus. Qui presentes fuerunt: Didacus ts; Gunsaluus, ts; Iohannes, ts. Petrus notuit.