Testamentum Flamule Gumez

[f. 16v] In nomine Patris et Filii et Spiritus sancti, amen. Quoniam in hac vita quasi hospites sumus et nemini nostrum ultimam sui horam scire est datum, iccirco ego, famula Dei, Flamula Gomez, iubeo quandam partem mee hereditatis disponere, gratia auxiliante divina. Audivi enim Dominum nostrum per prophetam dicentem: «ve vobis qui copulatis agrum ad agrum et domum ad domum coniungitis; numquid soli vos habitabitis in terra?». Hec et alia huiuscemodi documenta sepissime audiens, fatio kartam testamenti canonice Sancti Salvatoris de Ecclesiola, de hereditate mea propria quam habeo inter illam stratam et illum montem de Sagittella et ab illa portella de Sancto Martino usque in Laurosela, de omni hereditate quam ibi habuit avia mea aona (a) Domna Flamula, IIII^am partem, tantum dedit inde mihi pater meus. Do et concedo illam vobis ab integro per ubi illam potueritis invenire, suis antiquis terminis determinatam. Si forte aliquis ex meis parentibus aut meis filiis vel extraneis hoc meum factum in aliquo corrumpere volue[rit], | [f. 17r] pro sola temeritate componat ipsam hereditatem duplatam et quantum fuerit melioratam; et insuper sit maledictus et excommunicatus et cum Iuda traditore in profundum inferni demersus. Facta karta testamenti mense novembrio, era M. C. LXX. VI. Ego supradicta Flamula Gomez cum idoneis testibus, sicut superius sonat, robor+o et confirmo. Qui presentes fuerunt: Menendus, ts; Didacus, ts; David, ts. Erus notuit.