Testamentum regine siue karta Mendo G

In Dei nomine. Ego infans Tarasia, boni regis Alfonsi filia, ideo placuit mihi per bona pacis et uoluntas nullius quoque gentis imperio nec suadentis articulo neque pertimescentis metum sed propria mihi accessit uoluntas ut facerem tibi Mendo Gunsalui et uxori tue Maiori Suariz kartam donationis et firmitudinis de hereditate mea propria quam habeo in uilla nuncupata Kastro¹, subtus monte Kastro, discurrente ipso arrugio de Kastro, territorio portugalensi, in terra ciuitatis Sancte Marie, in loco predicto sub ipsa strata maurisca, et habeo ipsam hereditatem de mea ganantia uidelicet de parte de domna Patrina; et aliam quam transmutaui cum Suario Athaniz, dono uobis de ipsa quantam ibi habeo et illam intradam quam habeo in Vimaranes de intus Kastro cum omni prestantia sua quam in se obtinet: casas, arbores fructuosas et infructuosas, aquas aquarum et sessegas molinorum, terras ruptas et inruptas, exitus montium et regressus, cum quantum in se obtinet et prestitum hominis est, per ubi illam potueritis inuenire suis terminis antiquis terminatam. Dono et confirmo uobis illam pro seruitio quod mihi ad placitum meum fecistis et acceptabile. Habeatis uos et possidete illam et omnis posteritas uestra in perpetuum, ita ut ab hac die et ora sit ipsa hereditas de meo iure penitus rasa et in iure et dominio uestro tradita et confirmata iuri quieto temporibus seculorum. Si quis uero, quo fieri minime credo, aliquis homo uenerit uel uenero tam ego quam de propinquis meis, filii uel nepotes, qui hanc kartulam donationis et firmitatis irrumpere uel infringere quesierit, in primis sit maledictus et excommunicatus et a sacratissimo corpore et sanguine Domini nostri Ihesu Christi longe in perpetuum separatus et cum Iuda traditore lugeat tartareas perlas et lumen occulorum careat hic et in futuro; et quantum aut ferre uel infringere presumpserit in duplum uobis aut uocem uestram pulsantibus componat et melioratum. Facta karta donationis et firmitatis noto die XVIII° kalendas iunii, era M.C.L. Ego infans domna Tarasia [f. 19r] uobis Menendo Gunsaluiz et uxori uestre Maiori Suariz in hanc kartam donationis et firmitatis manum meam r + oboro. Pro testes: Menendus, ts; Petrus, ts; Tructesindus, ts; Gunsaluus, ts; Suarius, ts. Dauid notuit.