Plazum

Ego Menendus Zalamiz et mea mulier Eluira Odoriz placitum facimus canonicis Sancti Saluatoris cum nostris filiis, Odorio [f. 37r] et Petro, et cum filiabus nostris, Adosinda et Maria, de nostro testamento quod fecimus monasterio Ecclesiole, ut non mutemus nec minuemus nec conturbemus aliqua cogente nos necessitate. Hoc facimus uidelicet ut ipsi canonici contineant nos qui hec facimus, Menendum et Eluiram, in uita nostra. Si autem nos aut filii nostri aut alius in nostra uoce hoc testamentum quod fecimus in aliquo confringere aut minuere uoluerit, quicumque fuerit, quantum auferre temptare uoluerit tantum cum suo melioratu in duplo componat, et domino terre aliud tantum, et insuper triginta solidos; et quicumque fuerit, maledictus et excommunicatus sit et cum Iuda traditore dampnatus, nisi satisfecerit. Facto placito mense martio, era Mª.Cª.LXXXª.VIª. Ego Menendus et Eluira cum filiis et filiabus nostris iam prescriptis, qui hoc placitum iussimus scribere, coram testibus idoneis propriis manibus hec signa facientes +++roboramus. Qui presentes fuerunt: Petrus, ts; Iohannes, ts; Pelagius, ts; Suerius notuit.