Karta de Dentazes

In Dei nomine. Ego Petrus Pelaiz et uxor mea Maior Pelaiz placuit nobis per bona pacis et uoluntas facere kartulam uenditionis uobis Munio Ooriz et uestre uxori Bone Nuniz de hereditate nostra propria quam habemus ex parte auorum et parentum nostrorurn et de gaantia in uilla [fol 82v°] dicta Dentazes, subtus monte Cudal, discurrente riuulo Ul, territorio portugalensi. Damus uobis de predicta hereditate, de tribus quartis mediam integram, cum quantum in se obtinet et ad prestitum hominis est, suis locis et uicis terminis terminatam antiquis et nouis ubicumque illam potueritis inuenire, pro qua accepimus de uobis in pretio, C modios de te et tue uxoris ⁽¹⁾ anborum, et de Monio L; tantum nobis et uobis complacuit et de pretio aput uos ⁽²⁾ nichil remansit pro dare. Sit uestra ab hac die et tempore ipsa hereditas, ita ut de iure et dominio meo abrasa in uestro sit tradita et confirmata. Habeatis illam firmiter et omnis posteritas uestra et fatiatis de illa quod uolueritis iuri quieto temporibus seculorum. Si uero aliquis homo uenerit, si unus de nobis contra hanc cartam rumpendam, et nos in concilio illam defendere et parti uestre concedere non potuerimus aut noluerimus, aut uos in uoce nostra, reddamus illam uobis duplatam et quantum a uobis fuerit melioratam, et iudicatum. Era M.C.LXX.VI. Facta carta, ego Petrus Pelagiz et uxor mea Maior Pelaiz illam propriis manibus roboramus. Qui presentes fuerunt: Petrus, ts; Gunsaluus, ts; Pelagius, ts; Menendus, ts; Iohannes, ts. Petrus, presbiter, notuit.