De Moar Karta

In Christi nomine. Hoc est karta uendicionis quam ego Gunsaluus Menendiz facio uobis, canonicis Sancti Saluatoris Eclesiole, de hereditate quam habeo in Moar, subtus Castro Petroso, discurrente [fol. 86] riuulo Cerzedu, territorio portugalensi. Do uobis in predicta uilla, de hereditate que fuit de Benedicto et de sua muliere Spaourea, duas septimas integras, et de altera septima duas quintas, et de illa hereditate que fuit de Aluitu Aluitiz nonam partem, ubicumque illam potueritis inuenire bene terminatam suis antiquis et nouis terminis, cum quantum in se obtinet et ad prestitum est hominis, pro pretio quod a uobis accepi, XXV morabitinos. Sit iam uestra in perpetuum et facite de illa quod uolueritis in presenti et in futuro. Quod si ego aut filii aut propinqui mei seu extranei aliqui tantum ausi fuerint quod hanc cartam rumpere uellent ⁽¹⁾, totum duplum componant quantum temptauerint cum suo melioratu et cum iudicato; et ego simili modo, nisi in concilio defendam illam et uobis concedam, aut uos in uoce mea. Facta carta mense iulio, era M.C.LXXX.IIII. Ego Gunsaluus Menendiz coram bonis testibus confirmo et propria manu roboro. Hii sunt testes: Petrus, ts; Gunsaluus, ts; Pelagius, ts. Menendus notuit.