Karta de Vimaranes

In Christi nomine. Hec est carta uenditionis et firmitudinis quam ego Dordia Pelaiz facio uobis, canonicis Sancti Saluatoris Ecclesiole, de hereditate mea quam habeo in uilla dicta Uimaranes, subtus monte Castro. Do uobis de ipsa larea que iacet iusta uineam que fuit de Gunsaluo Menendiz, de qua habetis uos quartam, do uobis alias tres partes, et media de ipsa larea unde uos habetis medietatem, do uobis aliam medietatem ⁽¹⁾; quomodo diuidit ab aquilone ⁽²⁾ illum uallum, et affrico quomodo diuidit cum illa gaancia quam pater meus adquisiuit de Sesmondi. Et accepi de uobis pretium, duos morauidis et unum bragal; tantum mihi bene compiacuit et aput uos pro nobis dare nichil remansit. Habeatis lareas ipsas uos cum quantum in se obtinet et ad prestitum hominis est firmiter, et uestri successores et faciatis de eis quod uobis placuerit perpetue. Et si aliquis homo uenerit ⁽³⁾, uel uenero, tam de propinquis [fol. 88r] meis quam de extraneis aduersus hanc cartam ad inrumpendum, et ego in concilio illam uestre parti defendere et concedere noluero aut non potuero, aut uos in uoce mea, componam ipsas hereditates uobis duplatas et quantum fuerint melioratas, et iudicatum. Facta carta mense iulio, era M.C.LX^L VIII. Ego Dordia Pelaiz illam manibus meis r+obor+o. et confirmo. Qui presentes fuerunt: Pelagius, ts; Menendus, ts; Gundisaluus, ts. Augustinus notuit.