Karta de Vimaranes

In Christi nomine. Hec est karta uendicionis et firmitudinis quam ego Petrus Pelaiz et uxor mea Urraca Petriz facimus uobis, Pelagio Menendiz et uxori tue Eluire Pelaiz, de hereditate nostra propria quam habemus in uilla Uimaranes, subtus Castru Petroso, discurrente riuulo Cerzedo, territorio portugalensi, prope littus maris. Damus ibi omne quod nobis aduenit de parte auorum et parentum nostrorum, siue de gaantia, cum quantum in se obtinet et ad prestitum hominis est, suis antiquis terminis terminatam. Et accepimus a uobis in precio XXⁱ modios; tantum nobis placuit et aput uos nichil pro dare remansit. Habeatis illam uos firmiter et omnis posteritas uestra et quod uolueritis de illa facite in perpetuum. Et si deinceps aliquis homo uenerit, uel uenerimus siue nos siue ex propinquis nostris uel extraneis aduersus hanc cartam infringendam et nos in concilio illo defendere noluerimus aut non potuerimus, aut uos in uoce nostra, duplatam illam cum quantum fuerit meliorata et iudicatum componamus. Facta carta mense octubrio, era M.C.LX^LVI. Ego Pelaiz et Urraca Petriz illam coram testibus idoneis confirmamus et propriis manibus roboramus. Qui presentes fuerunt: Erus, ts; Didacus, ts; Gudinus, ts. Martinus notuit.