De firmitate eclesie Sancti Saluatoris de Ecclesiola

Precedentium auctoritate patrum ammonemur ut quicquid firmum et stabile fieri uolumus scriptis uel litteris tradendo presentium memorie futurorumue comendemus. Quapropter ego Tarasia regina, Adefonsi imperatoris gloriosi filia, ad laudem et gloriam Domini nostri Ihesu Christi et ob amorem et honorem Sancti Saluatoris de Ecclesiola, et pro remissione peccatorum meorum et redemptione anime mee et parentum meorum, libenti animo et bona uoluntate, do atque concedo per presentis scripture firmitatem eclesie Sancti Saluatoris de Ecclesiola. Et accepi inde unum caballum adpretiatum in D modios de Nunu Suariz; tantum mihi placuit. Dono atque concedo siue et confirmo cautum perpetua stabilitate supradicte ecclesie Sancti Saluatoris de Eclesiola per loca inferius scripta. Id est per montem Auturelo, inde per illam stratam mauriscam ad fontem Atequi et inde per illam stratam sicut uadit ad illam Cilatam et inde per ilium fontanum ad fornum tegularium et sicuti diuiditur per Agrum de Rebelles et inde sicut uadit inter Sauariz et Cornadelo et quomodo uadit per Portum Burgarium et inde per terminum de Cornadelo et campum Zerzedo et inde per illam stratam de Sancto Petro de Campo et inde quomodo strema Guetin et Forozos cum Ecclesiola et inde peruenit ad ribulum Rugitorium et inde usque ad montem Auturelo. Quicquid igitur infra supradictos terminos habeo, totum eclesie Sancti Saluatoris de Ecclesiola dono et per cautum confirmo, ita ut eadem ecclesia Sancti Saluatoris habeat et possideat, et ministri eius, euo perenni et seculis seculorum. Si quis uero de propinquis meis uel de alienis huius cauti kartulam irruperit uel confringere temptauerit, iram Dei incurrat et cum [f. 7] Iuda traditore, nisi emendauerit, portionem habeat; et insuper D modios componat; et kartula cauti semper remaneat firma. Facta kartula hec, era M.C.LX.VI., et quotum XI kal. iunii. Ego, Tarasia regina, hanc kartulam manum mea confirmo. Qui presentes fuerunt: Gudino, testis; Petro, ts; Pelaio, ts; Iohanne, ts; Diagu, ts. Ego, comes Fernandus, conf. Hugo, portugalensis episcopus, conf. Et alii plures qui uiderunt et audierunt. Veremudus notuit.