Karta regis Dentazes

In Dei nomine. Hec est karta commutationis quam ego, Alfonsus rex, nepos Alfonsi regis, fatio uobis canonicis Ecclesiole, Tructesindo priori et successoribus eorum, de hereditate mea quam habeo in uilla Dentazes subtus monte Codai, discurrente riuulo Ul, territorio portugalensi. Do uobis quantum in eadem uilla habeo et ad prestitum hominis est, scilicet quartam partem integram, et de uobis accepi aliam uestram hereditatem que est in uilla Millerous iuxta ciuitatem Sancte Marie, scilicet quantum ibi uos habebatis; tantum mihi et uobis conplacuit satis. Sit itaque hereditas illa ab hodierna die de iure meo abrasa et in uestro dominio sit tradita atque confirmata; habeatis uos illam firmiter et fatiatis de illa quid uobis placuerit. Si forte uero aliquis homo uenerit tam de propinquis meis quam de extraneis et hoc factum meum irrumpere uel conturbare uoluerit, quantum auferre temptauerit in duplo conponat cum quantum in se habuerit melioratum. Facta carta commutationis, era M.C.LXXX., XIIII kalendas febroarii. Ego, prefatus Alfonsus rex, uobis canonicis de Ecclesiola coram idoneis testibus, manu mea r-I-obor-I-o atque confirmo. Pro testibus: Petrus, ts; Pelaius, ts; Menendus, ts. Egeas Moniz, curie dapifer, conf. [fol. 9v]. Aluaro Petriz, alferez, conf. Ermeildu Meendiz conf. Nunus Suariz conf. Signum: Portugal.