De hereditatibus filiorum Suarii Fromariguiz

In nomine sancte et indidue Trinitatis, Patris et Filii et Spiritus sancti, amen; regnans Deus in secula seculorum. Nos, famuli Dei, filii Suarii Fromariguiz, scilicet Nunu Suariz, Suarius Suariz, Pelagius Suariz, Petruz Suariz, Erus Suariz, Maior Suariz, Adosinda Suariz, Ermesinda Suariz, Toda Suariz, Saluator Suariz, placuit nobis pro Domini nostri Ihesu Christi timore et diem iuditii timendum ut faceremus testum scripture testamenti et firmitudinis de hereditatibus nostris que fuerunt de nostro patre ad ipsum inonasteriuin quod est fundatum in uilla Eclesiola, uocabulo Sancti Saluatoris, subtus monte Saitela, discurrente arrugio de ipsa uilla, territorio portugalensi, terra ciuitatis Sancte Marie. Testamus ipsas hereditates ipsi monasterio prenominato Sancti Saluatoris ad illam nostram rationem pro remedio anime nostri patris, domni Suarii Fromariguiz, qui illas hereditates ganauit, et pro remedio animarum nostrarum et pro Dei benedictione et nostri patris. Testamus ipsas hereditates ipsi loco sancto ut seruiant omnibus ibidem Deo seruientibus et qui ibi seruitium Dei fecerint: presbiteri, monachi, diaconi, canonici, Deo uote, qui iustitiam fecerint et in uita sancta perseuerauerint; habeant et possideant illas. Et habent ipsas hereditates iacentias in terra de Sancta Maria in uilla Ecclesiola. Confirmamus ipsos passales quos pater noster fecit ad ipsum monasterium; et damus ibi in ipsa uilla unum casale quod edificauit Eeronius Didaci, cura omni sua prestantia quam in se obtinet, et licentiam habeat per illos montes quomodo ceteri casales de ipsa uilla in suo iure requirendo. Et ipsum casal de Rial, quod auus noster testauit et noster pater, confirmamus illud. Et pro ipso casale de Garfanes quod dedistis Menendo Ucnegas pro Nogeira, donamus in ipsa uilla de Nogeira unum kasal cum sua prestantia quam in se obtinet, et licentiam habeat exeundi per illos montes sicut cetera casalia de ipsa uilla. Et aliud casai in uilla de Trauanca, illud casai uidelicet quod uocant Lobello, cum omni sua prestantia quantam tenet ipse homo hodie in suo iure, et habeat licentiam in ipsos montes exire et rumpere per suum ius sicut cetera casalia de ipsa uilla fecerint. Ita ut ab hac die sint ipse hereditates de nostro iure abrasas et in uestro iuro et Sancti Saluatoris de Ecclesiola sit tradita et confirmata et seruiant in predicto loco Sancti Saluatoris in omnibus temporibus [fol. 10] seculorum pro remedio animarum nostrarmn et parentum nostrorum. Si quis uero nostrorum, presentium seu futurorum, uel extraneorum ausi fuerimus uel fuerint contra hoc testram infringere uel inrmnpere, quisquis fuerit uel fuerimus, in primis sit excommunicatus et a sacratissimo corpore Domini nostri Ihesu Christi flat extraneus et cum Iuda tradore habeat participationem in eterna dampnatione, et insuper pariat quod scripsimus duplatum uel quantum fuerit melioratum, et insuper M solidos in plata. Factum testamentum die quod erit VII idus iunii, era M. C. XL°. II. Nunu Suariz, Suariuz Suariz, Pelagius Suariz, Petrus Suariz, Erus Suariz, Maior Suariz, Adosinda Suariz, Ermesinda Suariz, Toda Suariz, Saluator Suariz, ipsi predicto loco Sancti Saluatoris Ecclesiole in hanc testamenti nostri kartam et firmitatis manus nostras roboramus. Pro testes: Menendo Fromariguiz qui uidit; domna Eluira Nuniz, mater ipsorum filiorum qui ibi resonant, que uidit illos hoc facientes et confirmantes. Erus, test. Menendus, ts; Froila, ts; Gunsaluus, ts; alter Gunsaluus, ts. Dauid presbiter notuit.