Carta Eluire Nuniz

Carta Eluire Nuniz.
In nomine et indiuidue Trinitatis, Patris et Filii et Spiritus sancti, amen; regnat Deus in secula seculorum, amen. Ego, famula Dei, Eluira Nuniz, placuit michi pro timore Domini nostri Ihesu Christi et timendum diem iudicii ut facerem textum scripture testamenti et firmitudinis de hereditatibus meis quas habeo in uilla Nogeira cum suis terminis nouissimis et antiquis et illud casai et integrun quod est fundattun in uilla de Ecclesiola, ad ipsum acisterium Sancti Saluatoris quod est subtus monte Saitella, discurrente ipso arrugio ipsarum uillarum, territorio portugalensi, terra ciuitatis Sancte Marie. Testo ipsas hereditates ad ipsum monasterium Sancti Saluatoris pro remedio anime mee. Testo illas ipsi loco sancto ut qui ibi Dei seruitium fecerint de ipsis fuctum accipiat ad utilitatem uiuendi et Dei seruitium perfitiendi cuiuscumque ordinis fuerint: presbiteri, monachi, diaconi, clerici, fratres, Deo uote, qui iustitiam fecerint et in uita sancta perseuerauerint; habeant et possideant illas. Et ipse hereditates habent iacentias iam supranominatas. Confirmo illas ipsi monasterio iam prescripto Sancti Saluatoris Ecclesiole, ita ut ex hac ora et die sint hereditates iste de meo iure abrase et in iure ipsius loci Sancti Saluatoris tradite et confirmate et seruiant ibi temporibus seculorum indeficienter pro remedio peccatorum meorum (fol. 10v) animeque mee salute. Si quis uero unus de meis propinquis uel de extraneis hoc meum factum contemserit, ausus illud infringere uel rumpere uel minuere quesierit, in primis sit excommunicatus et a corpore Domini nostri Ihesu Christi separatus et cum Iuda traditore habeat participium in eterna dampnatione; et insuper pariat quod scripsi duplatum et melioratum in duplo; et insuper M solidos in argento puro. Facta carta seu series testamenti firmi roboris noto die kalendas febroarii, era M.ªC.ªLXX.ªLª Ego Eluira Nuniz ipsi loco predicto Sancti Saluatoris hanc testamenti mei kartam et firmitatis propriis manibus robor+o. Pro testibus: Gunsaluus, ts; Petrus, ts; Suerus, ts. Iohannes notuit.