Karta de Ecclesiola et testamentum in Nogeira.

K de Ecclesiola et t in Nogeira.
In nomine Patris et Filii et Spiritus sancti, amen. Quoniam in hac uita quasi ospites sumus et nemini nostrum ultimam sui exitus horam scire est datum, iccirco ego Nunu Suariz et uxor mea, Eluira Gomez, timentes ne morte preocupati ab hac uita recedamus intestati, lubemus hereditates siue facultates nostras disponere, auxiliante gratia diuina. Audiuimus enim Dominum nostrum dicentem: «ue uobis qui copulatis domum ad domum et agrum agro coniungitis; numquid uos soli habitatis in terra?». Et beatus Iob: «diues cum dormierit nichil secum affert; aperiet occulos et nichil inueniet». Hec et alia huiuscemodi documenta sepissime audientes, facimus kartam testamenti canonice Sancti Saluatoris de Ecclesiola de hereditatibus nostris propriis quas habemus in uilla Ecclesiola, in loco qui dicitur Nogeira, que fuit de Ermesinda Fagildiz et de uiro suo, Menendo Fromariguiz, integra; et in Gueteandi, tres kasales; et in Migidi et in Brito, quantum ibi habemus; et in Uarzena et Almenara, hereditas que fuit de Nomenduz Odoriz; et in Sancto Mamede, illas tres partes quas ganauimus de filiis Pelagii Petriz per illam stratam, quomodo diuidit per ilium riuulum et uadit ad montem. Damus et concedimus prefatas hereditates cum omnibus prestationibus suis predicto monasterio, in quo loco a possesoribus illius monasterii poterit inueniri, ab hac die usque in perpetuum. Si forte nos uel nostri filii seu propinqui uel extranei, quicumque fuerit, qui hoc nostrum factum in aliquo corrumpere uoluerit, pro sala temeritâte, quantum auferre presumpserit in duplo conponat cum quantum fuerit melioratum, et iudicatum; et qualiscumque persona fuerit, sit male — [fol. 11] —dictus et excommunicatus et cum Iuda traditore in profundum inferni demersus. Factam kartam testamenti, era M.C.LXXXX.IIII. Ego Nunu Suariz et uxor mea, Eluira Gomez, coin idoneis testibus in perpetuum r++oboramus. Qui presentes fuerunt; Petrus, ts; Menendus, ts; Didacus, ts. Iohannes notuit.