Karta et testamentum de Petro Suariz de quintana et de casal

K(arta) et t(estamentum) de Petro Suariz de quintana et de casal.
In nomine Patris et Filii et Spiritus sancti, amen. Quoniam in hac uita quasi hospites suinus et nemini nostrum ultimam sui oram scire est datum, iccirco ego Petrus Suariz, timens ne morte preoccu(pa)tus ab hac uita intestatus discederem, iubeo meas facultates, gratia auxiliante diuina, disponere. Audiui etenim Dominum nostrum per prophetam suum dicentem: «Ve uobis qui copulatis domum ad domum et agrum agro; numquid uos soli habitabitis super terram?»; et beatus Augustinus: «diues cum dormierit nichil secum affert; aperit occulos et nichil inueniet». Hec et alia huiuscemodi documenta sepissime audiens, facio kartam testamenti canonice Sancti Saluatoris Ecclesiole de media de illa quintana cum suis terminis et de illo casai integro, pro remedio anime mee parentumque meorum. Dono et concedo hodie et in perpetuum sicut sursum sonat. Si forte aliquis ex meis parentibus uel ex meis filiis uel extraneis hoc meum factum in aliquo corrumpere uoluerit, pro sola temeritate componat ipsam hereditatem duplatam et ipsius hereditatis melioratum canonicis ibidem Deo seruientibus; et insuper sit exconmunicatus et cum Iuda traditore dampnatus in inferni profundo; et regie potestati simili mensura componat et iudicatum. Facta karta seu testamenti series mense februarii, sub era M.C.LXX.II. Ego prefatus Petrus Suariz hanc testamenti seriem coram meis parentibus et alüs idoneis baronibus et iuridicis testibus, sicut superius sonat, roboro et confirmo [fol. 12v]. Qui presentes fuerunt: Dauid presbiter; Gunsaluus presbiter; Petrus, ts; Suarius, ts; Ramirus, ts; Saluator, ts; Didacus, ts. Petrus notuit.