Karta de Canelas

In Dei nomine. Ego Froila Michaeliz cum iermano meo Pelagio uobis Nuno Suariz et uxori uestre Eluire Gomez facimus cartam de hereditate nostra propria quam habemus in uillas dictas Canelas et Migidi, de parte nostrorum auorum. Quantum ibi habemus uobis damus et concedimus pro uno alifafe quod furtaui ego per me Froia, et querebatis de me noue alifafes de peitu quos non potui habere, et reddo proinde libenter ipsam hereditatem ⁽¹⁾ ab integro ubicumque illam potueritis inuenire cum quantum in se obtinet et ad prestitum hominis est, suis terminis et locis bene determinatam antiquis et nouis in ipsas predictas uillas subtus monte Seixu Aluo, territorio portugalensi, discurrente riuulo ⁽²⁾ Ualadares, in ciuitate Sancte Marie. Habeatis illam uos et omnis posteritas uestra ab [fol. 98v°] hac die in seculis seculorum. Si uero aliquis homo de nostro genere seu ex alieno aduersus hanc cartam ad inrumpendum uenerit, uel nos uenerimus, et nos in concilio defendere et illam uobis concedere, aut uos in uoce nostra, non potuerimus aut noluerimus, duplatam illam uobis cum suo melioratu reddamus et iudicatum. Facta carta XI° kalendas febroarii, era M.C.LXX^a.III^a. Ego Froia cum meo iermano Pelagio illam manibus nostris roboramus. Pro testibus: Petrus, ts; Iohannes, ts; Didacus, ts. Pelagius notuit.