De Migidi

In Dei nomine. Ego Martinus Moniz et uxor mea Unixcu Tructesindiz facimus kartam uendicionis uobis Nuno Suariz, et uxori uestre Eluire Gomez, de hereditate nostra propria quam habemus in uilla Migida ⁽¹⁾, subtus monte Grande, discurrente riuulo Ualadares, territorio portugalensi, in ciuitate ⁽²⁾ Sanctae Marie. Damus uobis supradictam hereditatem cum quantum in se obtinet et ad prestitum hominis est. Et accepimus pro illa a uobis precium, LXX^a.V^e modios; tantum nobis placuit et aput uos pro dare nichil remansit. Habeatis illam uos et omnis posteritas uestra, ita ut ab hac die sit de dominio nostro abrasa et uestro dominio tradita et confirmata, et quod uolueritis de ipsa facite. Si quis autem homo de nostro genere uel de alieno aduersus hanc kartam ad infringendum uenerit, uel uenerimus, et nos illam defendere et uobis concedere non potuerimus, aut uos in uoce nostra, componamus illam uobis duplatam uel quantum fuerit melioratam, et iudicatum. Facta karta nonas maii, era M.C.LXX.IIII. Ego Martinus et uxor mea Uniscu illam manibus nostris roboramus. Pro testibus: Suerius, ts; Gundisaluus, ts; Arias, ts. Petrus notuit.