Karta de Moazelus

In Dei nomine. Ego Pelagius Ansaloniz et uxor mea Riquilo uobis Odorio Cidiz et uxori uestre Sancie facimus cartulam uendicionis de hereditate nostra propria quam habemus in uilla dicta Moazelus et in loco Primi et est una larea de LXXV passales in longo et in amplo de VI passalibus, et unicuique passali cubitum unum posuimus [fol. 104], et fer ipsa larea in ipso riuulo qui uenit de Laurusela subtus monte Saitela, discurrente riuulo Primi, que uenit nobis de parte auorum et parentum nostrorum. Pro qua accepimus a uobis precium IIII modios; tantum nobis bene complacuit, et aput uos pro dare nichil remansit. Habeatis illam firmiter uos et omnis posteritas uestra, ita ut ab hac die sit ipsa hereditas de iure et dominio meo abrasa et in uestro dominio confirmata. Si uero aliquis homo uenerit aut uenerimus ad hanc cartam infringendam tam propinqus quam extraneus, et nos in concilio illam defendere et uobis concedere non potuerimus, aut uos in uoce nostra, sit uobis potestas tanta quod duplatam illam cum toto suo melioratu uobis reddamus in tali uilla, et uos in perpetuum illam habeatis. Facta karta VIII kalendas ianuarii, era M.C.XXXVII. Ego Pelagius et uxor mea Riquilo illam manibus nostris roboramus. Qui presentes fuerunt: Inueandus, ts; Eirigus, ts; Egeas, ts. Froila pincxit.