Karta de Goncida

In Dei nomine. Hec est karta uendicionis quam ego Suerius Aluariz tibi Pelagio Suariz et uxori tue Bone Venegas facio de hereditate mea propria quam habeo in uilla Guncida subtus monte Carboneiro et petra curuela, discurrente riuulo Guandia, territorio portugalensi, in ciuitate Sancte Marie, quam habeo ex parte auorum et parentum meorum. Do uobis terciam integram in iam dicta uilla et in Sancto Laurencio cum suis formalibus infra et extra de ipsa uilla integra, cum quanto in se obtinet et ad prestitum hominis est, ubi illam potueritis inuenire suis locis et terminis terminatam antiquis et nouis. Et accepi a uobis in precio pro illa unam bonam mulam nigram et CXXⁱ modios [fol. 105]; tantum mihi bene placuit et aput uos pro dare nichil remansit. Habeatis uos illam firmiter et omnis posteritas uestra iuri quieto temporibus seculorum, ita ut ab hac die de iure et dominio meo sit abrasa et in uestro tradita et confirmata in perpetuum; et fatiatis de illa quod uolueritis. Et si aliquis homo uenerit aduersus hanc kartam de meo genere uel de alieno et ego in concilio illam defendere et uobis concedere non potuero, aut uos in uoce mea, duplatam illam cum suo melioratu uobis componam, et iudicatum. Facta karta mense octubrio, era M.C.LX.I^a. Ego Suerius Aluariz illam coram idoneis testibus propria manu roboro+. Pro testibus: Menendus, ts; Godinus, ts; Suerius, ts. Veremudus, presbiter, notuit.