Karta de Goncida

In Christi nomine. Hec est karta uendicionis quam ego Fernandus Pelaiz fatio uobis, canonicis Sancti Saluatoris Ecclesiole, de hereditate mea propria quam habeo in uilla dicta Guncida, subtus monte Recarei, discurrente riuulo de Pereira, territorio portugalensi, ciuitas Sancte Marie. Do uobis illam cum quantum in se obtinet et ad prestitum hominis est, suis locis et terminis terminatam antiquis et nouis ubicumque illam potueritis inuenire, pro VII morabitinos quos mihi dedistis in precio pro illa de auro; tantum mihi placuit, et nichil pro dare remansit. Habeatis illam uos firmiter et omnes uestri successores, et fatiatis de illa quod uobis placuerit in perpetuum. Et si aliquis homo uenerit contra hanc kartam ad inrumpendum de meo seu de alieno genere, et ego in concilio illam defendere et uobis concedere aut non potuero aut noluero, aut uos in uoce mea, componam uobis illam cum toto suo melioratu duplatam, et domino terre aliud tantum et iudicatum. Facta karta X kalendarum maii. Ego Fernandus Pelaiz illam coram idoneis testibus confirmo et propria manu roboro. Qui presentes fuerunt: Pelagius, ts; Menendus, ts; Petrus, ts. Iohannes notuit.